Täzelikler
26.04.2026
Türkmenistanyň Prezidendi Türkmen bedewiniň milli baýramy mynasybetli ähli watandaşlaryny gutlady
Türkmenistanyň Prezidendi Serdar Berdimuhamedow ähli watandaşlaryny dünýä medeniýetiniň ösüşine mynasyp goşant goşan parasatly pederleriň zehininden kemal tapan, halk seçgisi esasynda döredilen şan-şöhratly bedewleriň şanyna uly dabara bilen döwlet derejesinde bellenilýän Türkmen bedewiniň milli baýramy mynasybetli tüýs ýürekden gutlady. Bu barada TDH habar berýär.
26.04.2026
Türkmenistanyň Prezidentine ajaýyp bedewler sowgat berildi
Türkmen bedewiniň milli baýramy mynasybetli Türkmenistanyň Prezidenti Serdar Berdimuhamedowa Ahal welaýatynyň ýaşaýjylarynyň adyndan Gözbaş, Balkan welaýatynyň ýaşaýjylarynyň adyndan Sumbar, Daşoguz welaýatynyň ýaşaýjylarynyň adyndan Şabat, Lebap welaýatynyň ýaşaýjylarynyň adyndan Jeýhun, Mary welaýatynyň ýaşaýjylarynyň adyndan Marguş, Aşgabat şäheriniň ýaşaýjylarynyň adyndan Nusaý, Arkadag şäheriniň ýaşaýjylarynyň adyndan Mertebeli atly ajaýyp bedewler sowgat berildi. Şol pursatlarda welaýatlara, Aşgabat, Arkadag şäherlerine wekilçilik edýän ýaş nesiller ýurduň durmuşynda möhüm ähmiýeti bolan şanly waka mynasybetli Arkadagly Gahryman Serdara hoşallyklaryny joşgunly goşgy setirleri arkaly beýan etdiler. Harby we hukuk goraýjy edaralaryň adyndan Prezident Serdar Berdimuhamedowa Gaýratly atly bedew sowgat berildi. Bu barada TDH-de habar berildi.
26.04.2026
Gurbanguly Berdimuhamedow Türkmenistanyň Prezidentini türkmen halkynyň adyndan Türkmen bedewiniň milli baýramy mynasybetli gutlady
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Türkmenistanyň Prezidenti Serdar Berdimuhamedowy merdana ata-babalaryň jöwher zehininden kemal tapyp, halk seçgisi esasynda ýetişdirilýän şöhratly bedewleriň şanyna döwlet derejesinde uly dabara bilen bellenilýän Türkmen bedewiniň milli baýramy mynasybetli türkmen halkynyň hem-de Türkmenistanyň Halk Maslahatynyň adyndan tüýs ýürekden gutlady. Bu barada TDH habar berýär. Gutlag hatynda: «Hormatly Prezidentimiz!
26.04.2026
Türkmenistanda Türkmen bedewiniň milli baýramy uly ruhubelentlikde bellenilýär
Şu gün Türkmenistanda Türkmen bedewiniň milli baýramy uly ruhubelentlikde bellenilýär. «Garaşsyz, baky Bitarap Türkmenistan — bedew batly at-myradyň mekany» ýylynda ýurduň ähli welaýatlarynda, Aşgabat we Arkadag şäherlerinde baýramçylyk mynasybetli aýdym-sazly dabaralar, sergiler, at çapyşyklary şatlyk-şowhuna beslenip, ýokary ruhubelentlikde geçirilýär. Türkmen halkynyň dünýä beren milli gymmatlyklarynyň naýbaşylarynyň biri bolan behişdi bedewleriň şanyna guralan köpöwüşginli baýramçylyk çärelerinde hakyky toý ruhy höküm sürýär. Geçmişde-de ýelden ýyndam bedew atlar halkyň durmuşynda aýratyn orna eýe bolup, türkmen toýlarynyň şatlyk-şowhunyny has-da artdyrypdyr.