Täzelikler
23.04.2026
Türkmenistanyň Prezidenti «Türkmenistanyň at gazanan atşynasy» diýen hormatly ady dakmak hakynda resminama gol çekdi
Türkmen bedewiniň milli baýramy mynasybetli «Türkmenistanyň at gazanan atşynasy» diýen hormatly ady dakmak hakynda Türkmenistanyň Prezidenti Permana gol çekdi. Bu barada «Watan» habarlar gepleşiginde habar berildi.
23.04.2026
Aşgabatda «Türkmen bedewi we dünýäniň seýisçilik sungaty» atly XVIII halkara ylmy-amaly maslahat geçirildi
Şu gün Oba hojalyk uniwersitetinde Türkmen bedewiniň milli baýramy mynasybetli «Türkmen bedewi we dünýäniň seýisçilik sungaty» atly XVIII halkara ylmy-amaly maslahat geçirildi. «Watan» habarlar gepleşiginde habar berlişi ýaly, işjeň häsiýete beslenen bu halkara ylmy maslahat baýramçylyk çäreleriniň üstüni ýetirdi.
22.04.2026
Uzak aralyga atly ýöriş geçirildi
Türkmen bedewiniň milli baýramy mynasybetli Ahal welaýatynyň Ak bugdaý etrabynyň çäginde uzak aralyga atly ýöriş bäsleşigi geçirildi. Oňa 6 — 11 ýaş aralygyndaky çydamly atlaryň 15-si we olaryň ezber çapyksuwarlary gatnaşdylar. Bu barada «Türkmenistan» gazetinde habar berildi. Bäsleşige ir bilen Aşgabat — Mary awtoýolunyň 24-nji kilometrliginden badalga berildi. Oňa gatnaşyjylaryň hatarynda Türkmenistanyň Prezidentiniň Ahalteke atçylyk toplumyna, Halkara ahalteke atçylyk sport toplumyna, Milli atly sport merkezine, Aba Annaýew adyndaky Halkara atçylyk akademiýasyna we hususy atşynaslara degişli atlar bar. 60 kilometrlik menziliň başlangyjynda bedewler weterinar barlagyndan geçirilip, olaryň uzak aralyga ýaryşa gatnaşyp bilijilik ukybyna baha berildi.
22.02.2026
Gurbanguly Berdimuhamedow ABŞ-na saparynyň dowamynda «La Victoria» atçylyk toplumyna baryp gördi
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Amerikanyň Birleşen Ştatlaryna amala aşyran saparynyň çäklerinde ýurduň iň iri atçylyk merkezleriniň biri hasaplanýan «La Victoria» atçylyk toplumynda boldy. Ol ýerde atçylyk we atly sport ulgamynda türkmen-amerikan hyzmatdaşlygynyň geljegi ara alnyp maslahatlaşyldy. Bu barada TDH habar berýär.